मरिचलाई खाद्य पदार्थको रुपमा दुध, चिया, रोटी, तरकारी आदिमा मसलाको रुपमा प्रयोग गरिन्छ । यो सानो–सानो, चाउरी परेको जस्तो र कालो रङमा पाइन्छ । कालो मरिच स्वादका लागि मात्र नभएर घरेलु औषधिका रूपमा समेत प्रयोग गर्न सकिन्छ । पेट, छाला र हाडसँग सम्बन्धित समस्यामा यो धेरै प्रभावकारी मानिन्छ । हामीले दिनहुँ खाना बनाउँदा मरिच पनि थोरै मात्रामा मिसाएर सेवन गर्नाले शरीरलाई फाइदाजनक हुन्छ । अब हामी कालो मरिचका फाइदाका बारेमा केही फाइदामुलक जानकारी गर्दैैछौ । आउनुस जानौ कालो मरिचका फाइदाहरु ः
– कालो मरिचको सेवन गर्दा छालामा समस्या आउन दिदैँन । यसले रक्तसञ्चारलाई नियमित गर्नुका साथै छालामा अक्सिजनको मात्रा बढाउँछ ।
– कालो मरिचले पाचन शक्तिलाई बलियो बनाउँछ र पेट पनि सफा राख्न मद्दत गर्दछ । यसको सेवन दिनहुँ गरेमा ग्यास्ट्रिक हुँदैन ।
– जिरा र चिनीसँग कालो मरिच मिसाएर दिनहुँ दुई चम्चा सेवन गरेमा पायल्स रोगबाट राहत पाइन्छ ।
– यसमा राम्रो मात्रामा कीटाणुनाशक गुण हुने भएकाले योे सेवन गर्नाले हाम्रो शरीरमा रोगप्रतिरोधात्मक क्षमता बढाउँछ । यसलाई बेसारसँग मिसाएर नियमित खाएमा क्यान्सर लाग्ने सम्भावना न्युन हुन्छ ।
– उच्च रक्तचापका बिरामीले पनि मनतातो पानीमा कालो मरिचको धुलो राखेर खाएमा रोग नियन्त्रण गर्न मद्दत पुग्छ ।
– मनतातो पानीमा कालो मरिचको धुलो र कागती हालेर पिउँदा एसिडिटीलाई कम गर्न सकिन्छ ।
– कालो मरिचको धुलो नियमित मनतातो पानीमा सेवन गर्दा रुघाखोकी निको हुनुका साथै, धुवाँ–धुलोका कारण छातीमा हुने समस्या, फ्लु र भाइरलको संक्रमणबाट समेत जोगिन सकिन्छ ।
– बुढौली उमेरका कारण हुने अर्थाराइटिस रोगका लागि कालो मरिच उपयोगी हुन्छ । तिलको मनतातो तेलमा यसको धुलो मिसाएर हातखुट्टामा लगाएमा आराम मिल्छ ।
– यसको ठीक मात्रामा प्रयोग गरेमा शरीरमा स्फूर्ति बढाउनुका साथै मस्तिष्क सक्रिय बनाउँछ । साथै कालो मरिचको धुलो ठीक मात्रामा दैनिक सेवन गरेमा मांसपेशीजन्य रोग लाग्दैन ।
तर हामीले ध्यान दिनुपर्ने कुराहरु के छ भने मानिसको शारिरिक अवस्था र समय अनुसार माथिका कुराहरुको उपलब्धीमा फरक पर्ने हुँदा आफ्नो शरीरको अवस्थाको ठीक मात्रा थाहा पाएर मात्र प्रयोग गर्नुपर्ने हुन्छ ।