– राजु भट्टराई
मानिसको जात हामी साझा सबको एकै
काम गर्न लाज हुन्न रहनु हुन्न भोकै ।
धनी गरिब छुट्याउदैँनौ असल बानी हाम्रो
नारी पुरुष समान व्यवहार गर्न जाने राम्रो
रगत सबको रातो नै छ हामी सबै एकै
अपाङ्गलाई सहयोग गरौँ नराखौँ है भोकै ।
सम्मान गर्ने भावनाको विकास गरौँ नानी
समय मै सुधारौँ है हाम्रो नराम्रो बानी
सहयोगको भावनामा रहौँ हामी एकै
भोका नाङ्गालाई सहयोग गरौँ रहनु हुन्न भोकै ।
अमूल्य यो जीवन हाम्रो बनाउ है शुद्ध
सुविचारमा लागौँ हामी बनौँ ज्ञानी बुद्ध
गाउँघर, सहरबजार सबै मानिस एकै
दुखीलाई नि सहयोग गरौँ रहनु हुन्न भोकै ।
जाति, धर्म, सँस्कृतिमा छौँ हामी एकै
गरिबलाई नि माया गरौँ रहनु हुन्न भोकै ।
